منتدى شباب كاجول
مرحبا بكم

 
الرئيسيةالتسجيلدخول
Share

شاطر | 
 

 ليه عايزين نجيبها الارض

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وردة تركيا
...::| كاجول جامد |::...
...::| كاجول جامد |::...
avatar

الجنس : انثى
عدد المساهمات : 3194
العمر : 23
مزاجى : مكتئبة

مُساهمةموضوع: ليه عايزين نجيبها الارض   الثلاثاء يوليو 05, 2011 2:55 am

فى فيلم (( اللي بالي بالك )) بتاع اللمبى
الراجل مسك اللمبي قدام مراته فى الصحرا
و ضربه بقبضة ايده علي راسه بعزم ما عنده
اللمبي قال له : ((( استني كده يمكن ماقعش )))

و دي فى حد ذاتها دعوة للتفاؤل ... في ظروف طين ... أخرتها سودة
و طبعا التفاؤل في حالة زي دي ... نوع من انواع البلاهة و السذاجة
لانه طبيعي بعد الضربة دي هيقع هيقع ... مافيهاش جدال
ـــــــــــــــــــــــــــــــ

و هوا ده بالظبط اللي حاصل لمصر دلوقتي
كل ما اجي اتفائل شوية ... افتكر مقولة اللمبي المأثورة
و اتخيل ان مصر هيا اللي بتقولها
بعد كل الضربات الموجعة اللي بننزل بيها علي دماغك يا مصر

و الغريب ... ان بعد كل ضربة من دول , مصر بتقول و هيا بتصرخ
(( استنوا كده يا مصريين .... يمكن ماقعش )) !!
و تحاول تتماسك ... و بتحاول تفضل واقفة علي رجليها
لانها لو وقعت .... مافيش اكتر من الشمتانين اللي علي حدود
شمالها و جنوبها و شرقها و غربها

مش هتقوملها قومة و لا بعد قرن
ـــــــــــــــــــــــــــ

السؤال : ليه مصممين نجيبها الارض ؟؟؟

ليه مليونية كل جمعة .... ليه ثورة علي الثورة ؟؟
ليه تشويه صورة الجيش ؟؟ ليه قلة ادب بعض ممن يطلق عليهم الثوار
و بقا مالهمش كبير ؟

ليه بنت في سن اولاد المشير طنطاوي او احفاده ... تقول طنطاوي حاف كده
و تتهم الجيش بالتواطؤ ؟؟؟
فاضلنا مين بعد الجيش؟؟؟
اومال لو جيشنا زي جيش ليبيا و لا سوريا و لا اليمن
كانوا عملوا فيه ايه و قالوا عليه ايه ؟؟؟

ـــــــــــــــــــــــــــــ

يا جماعة حرام سيبوا الجيش في اللي هوا فيه و بلاوي الثورة المضادة
و اقتصاد مصر الخربان
و لا البلطجة !! يا سلام ع البلطجة
اشغلوا الجيش بميدان التحرير و خلوا البلطجة تنتشر فى الشوارع


قلبي حاسس ان البلطجة هتبقا مادة اساسية
في منهج الاعدادي بتاع السنة الجاية
و انا قلبي مايكدبش ابدا

يا سلام
تخيلوا بقا مادة اسمها (مادة البلطجة)

ممكن تبقا مادة سقوط و نجاح كمان
و هيبقا فيها عملي
و احنا كمدرسين ان شاء الله
هندرس فيها ـــ انواع البلطجة
ادوات البلطجة
من سنجة و ساطور و قرن غزال و سيوف و موازة و مية نار
و مش بعيد كمان الاولاد يدرسوا أشهر الحيوانات المستخدمة في البلطجة

من جمل و كلب و حصان و حمار
و أسد كمان
اه والله أسد
الشرطة راحت تقبض اول امبارح علي بلطجي مشهور
سيب عليهم اسد كان مربيه عنده فى بيته

و كمان الاولاد هيتعلموا مصطلحات البلطجة
و يكونوا جمل مفيدة من فاعل و فعل و مفعول زي مثلا :

داحنا برضه اللي زعفنا السما من براغيت الرعد الماطر
و سلكنا البحر من السمك اللي كان سادد الشبك في القلعة


و الاولاد هيتعلموا برضه اشهر موقعه للبلطجة
و اشهر البلطجية ف مصر
كل ده هيبقا في مادة البلطجة
يا سلام مادة لذيذة اوي


هيا فيها شوية معادلات رياضية بسيطة كده هتحبوها

زي مثلا :

سنجة + ساطور . الجزر التربيعي لقرن الغزال = يديك ايه ؟؟؟

قالك : يديك بالمطوة ف وش اهلك علي طول !!

هيعملوا فصل اخير في كتاب البلطجة
اسمه (( سلوكيات البلطجة ))

بيشرح فيه
لو مثلا طلع عليك واحد بلطجي و انت ماشي ف شارع ضلمة انت و المدام
و راح رافع المطوة في وشك بزاوية قايمة 90 درجة كده

هتعمل هنا ايه ؟ لازم بقا تخليك صايع
افهم هتتعامل ازاي مع البلطجي المحترف

لو قالك ترمس ... من سكات كده تطلع كل اللي ف جيوبك و تديهوله
... مانت معاك المدام
لو قالك حمص ... تقلع هدومك كلها و تسيبهومله ... مانت معاك المدام
المصيبة بقا لو قالك ... فستق ... ساعتها لازم تسيبله المدام نفسها

ــــــــــــــــــــــــــــــــــــــــــــ
هل هتبقي هيا دي مصر ؟؟
يبقا نلم نفسنا بقا من مظاهرات كل جمعة
اللي البلطجية فيها بينتعشوا في باقي شوارع مصر

يا جماعة ماسخة اوي اوي اوي
ان يقولوا في ثورة يوم الجمعة الجاية
و احنا اصلا طالعين من ثورة

ثورة علي ثورة ؟؟؟؟؟؟؟؟
ثورة علي مين ؟؟؟؟؟؟؟

ــــــــــــــــــــــــــــــــــــــــ

نفسي في رئيس لمصر زي مهاتير محمدفي ماليزيا

اللي اتحولت في عهده احلام ماليزيا الي واقع
برغم الازمات و المشاكل العاتية اللي كانت بتمر بيها اكتر من مصر كمان
المشكلة مش ف المشاكل
المشكلة هي وجود او عدم وجود شخص
يعرف يشتغل باحتراف و جرأة في وسط المشاكل

ـــــــــــــــــــــــــــــــــــــــ

و مازلت مصر تنادي باعلي صوتها
يمكن حد عاقل يسمع و يفهم

و هيا بتقول _ و يارب ما تقعش _ :

((( استني كده يمكن ماقعش )))


الرجوع الى أعلى الصفحة اذهب الى الأسفل
tekno
صاحب المنتدى
صاحب المنتدى
avatar

الجنس : ذكر
عدد المساهمات : 5286
العمر : 19
المسكن : هدو البيت
العمل : ربنا يسهل
مزاجى : عاااااااااااال
حكمتى فى الحياه : قابلها صدفه بعد أن تركها طويلا
قال لها:اعذريني لقد أصبح لي حبيبة أخري وقلبا أخر ومستقبلا أخر فماذا عنك أنتي؟؟؟ فأغمضت عيناها حتي تخفي دموعها ومر شريط ذكرياتهم سويا أمام عينها كسرعة البرق تذكرت فيها كيف وقفت بجانبه لحظه بلحظه بأوقات فرحه قبل حزنه,,,,كيف رفضت كل رجال العالم من اجل أن تظل معه......فاستجمعت قواها وقررت الحفاظ علي بقايا كبريائها ونظرت إليه وابتسمت وقالت له
:
:
:
:
اعذريني سيدي هل أعرفك؟؟؟!!

مُساهمةموضوع: رد: ليه عايزين نجيبها الارض   الثلاثاء يوليو 05, 2011 2:59 am

فعلا كلامك صح مليون فى المياة والموضوع مهم جدا اشعر ان الناس عاوزنها تيجى الارض مش عارف لية وبدون سبب مع انهم هيكونو اول الخاسرين

موضوع مميز كالعادة

مودتى لكى
الرجوع الى أعلى الصفحة اذهب الى الأسفل
http://wwwx.crazy4us.com
وردة تركيا
...::| كاجول جامد |::...
...::| كاجول جامد |::...
avatar

الجنس : انثى
عدد المساهمات : 3194
العمر : 23
مزاجى : مكتئبة

مُساهمةموضوع: رد: ليه عايزين نجيبها الارض   الثلاثاء يوليو 05, 2011 3:02 am

شكرا للمرور نورت
الرجوع الى أعلى الصفحة اذهب الى الأسفل
 
ليه عايزين نجيبها الارض
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب كاجول :: (¯`·._) (كلو على كلو) (¯`·._) :: الحوارت الشبابية-
انتقل الى: